Om derfoar te soargjen dat it iis goed groeie kin, stelt de provinsje op sneon 24 febrewaris in farferbod yn. Dat meldt de provinsje yn in foaroankundiging. It farferbod giet dan yn om 17:00 oere.
De provinsje freget oannimmers om it driuwend ark út it wetter te heljen. It ferbod jildt net foar alle Fryske wetters, ûnder oare it Van Harinxmakanaal en de Houkesleat binne útsûndere.
"Russyske kjeld oant begjin maart"
Waarman Piet Paulusma seit dat der kommende wike op natueriis riden wurde kin. Neffens him komt der yn de nacht fan snein op moandei kâlde lucht út Ruslân wei ús kant op.
Paulusma ferwachtet winterwaar mei yn de nacht matige oant strange froast, mar ek oerdeis temperatueren ûnder it friespunt. De kâlde perioade kin oant begjin maart oanhâlde, tinkt Paulusma. Hy hat it oer in serieuze winterperioade
Eigenlijk drijvend gereedschap/machines
Goed te lezen en Friesland rules.